ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មានដឹកនាំក្រុមការងារចុះមូលដ្ឋានស្រុកចិត្របុរី នាំយកអំណោយចែកជូនគ្រួសាររងគ្រោះដោយខ្យល់កន្រ្តាក់ចំនូន ២០គ្រួសារ (ឃ្មុំថ្មអណ្តើក, )
ខេត្តក្រចេះ នាសៀលថ្ងៃទី២១ ខែមីនា ឆ្នាំ២០២៥
បន្ទាប់ពីបញ្ចប់កិច្ចប្រជុំពិភាក្សាការបញ្ចប់ការដោះស្រាយវិវាទដីនៅសាលប្រជុំសាលាខេត្តក្រចេះរួចមក ឯកឧត្តម ក៏បានដឹកនាំក្រុមការងារចុះស្រុកចិត្របុរី នាំយកអំណោយចែកជូនដល់គ្រួសារជនរងគ្រោះដោយខ្យល់កន្រ្តាក់ចំនួន ២០គ្រួសារ ក្នុងឃុំថ្មអណ្ដើក ដោយក្នុងមួយគ្រួសារទទួលបាននូវ អង្ករ ២០គីឡូក្រាម កញ្ចប់ឃីតមួយកញ្ចប់ និងថវិការមួយចំនួនផងដែរ។
កឧត្តមបានមានប្រសាសន៍បន្តទៀតថា អំណោយដែលផ្តល់ជូនទាំងអស់គឺបានមកពីការឧត្ថម្ភ ដោយសមាគមសម្ព័ន្ធយុវជនដើម្បីសន្តិភាព ដែលសមាគមតែងតែចូលរួមចំណែកជាមួយរាជរដ្ឋាភិបាលជានិច្ចនៅពេលដែលប្រជាពលរដ្ឋជួបទុក្ខលំបាកម្តងៗ បន្ថែមពីនេះឯកឧត្តមប្រធានបានលើកឡើងថាសុខទុក្ខរបស់ប្រជាពលរដ្ឋជាសុខទុក្ខរបស់ថ្នាក់ដឹកនាំ លើសពីនេះទៅទៀតគឺយើងត្រូវតែនាំគ្នារក្សាឲ្យបាននូវសុខសន្តិភាពដែលយើងគ្រប់គ្នាមានសព្វថ្ងៃនេះ។
ជាចុងក្រោយឯកឧត្តមប្រធានក៏បាននាំយកនូវការសាកសួរសុខទុក្ខពីសំណាក់ ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ដែលលោកតែងតែយកចិត្តទុក្ខដាក់ជានិច្ចអំពីសុខទុក្ខរបស់ប្រជាពលរដ្ឋ ជាពិសេសនៅពេលដែលពលរដ្ឋជួបនូវការលំបាកផ្សេងៗ។
