ភ្នំពេញ)៖ បើពុំមានការប្រែប្រួលទេនោះ ឧត្ដមសេនីយ៍ទោ ឈឿន ប៊ុនឆន នឹងត្រូវប្រកាសតែងតាំង ស្នងការខេត្តព្រៃវែង ជាផ្លូវការ នៅព្រឹកទី១៣.០៣.២០២៣។
នេះបើយោងតាម ប្រភពច្បាស់ការណ៍ប្រាប់មក<<TIN>>។
សូមជម្រាបថាៈ នៅថ្ងៃទី២៨.០២.២០២៣ សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ។
បានចេញប្រកាស តែងតាំងលោកឧត្ដមសេនីយ៍ទោ ឈឿន ប៊ុនឆន អតីតប្រធាននាយកដ្ឋានវិទ្យុទាក់ទង នៃអគ្គស្នងការនគរបាលជាតិ ជាស្នងការខេត្តព្រៃវែង ជំនួយលោកឧត្ដមសេនីយ៍ទោ ព្រុំ សន្ធរ ដែលត្រូវតែងតាំង ជាអគ្គស្នងការរងនគរបាលជាតិ។
លោកឧត្តមសេនីយ៍ទោ ឈឿន ប៊ុនឆន ជាកូនរបស់លោក ផៃ ប៊ុនឈឿន អតីតអភិបាលខេត្តកណ្ដាល និងបច្ចុប្បន្ន ជារដ្ឋលេខាធិការប្រចាំការ ក្រសួងបរិស្ថានហើយក៍ត្រូវជាប្អូនរបស់លោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល ផងដែរ។
លោក ឈឿន ប៊ុនឆន ពីមុនធ្លាប់កាន់មុខតំណែងជាអធិការនគរបាលស្រុកកោះធំ ខេត្តកណ្ដាល និងផ្លាស់មកជាអនុប្រធាននាយកដ្ឋានសន្ដិសុខផ្ទៃក្នុង។
ក្រោយមកក៍ត្រូវបានប្រមុខរាជរដ្ឋាភិបាលតែងតាំងជា ប្រធាននាយកដ្ឋានវិទ្យុទាក់ទង ចំណុះអគ្គស្នងការដ្ឋាននគរបាលជាតិ៕
